निष्ठुरताभन्दा ठूलो क्रूरता अरू केही छैन। –विचारसार र सूक्तिहरु

नाङ्लोले हामीलाई के सिकाउँछ ? असल र पुष्टिकारक चीज राखेर, नराम्रो र फोहर फ्याँकिदेऊ। –विचारसार र सूक्तिहरु

मर्यादा र लज्जा कुनै अवस्था–भेदबाट प्रादुर्भूत हुँदैनन् । आफ्नो कर्तव्यको राम्ररी पालन गर, यसैमा सही मर्यादाको वास छ । –विचारसार र सूक्तिहरु

जो मानिस तिमीसँग युद्ध गर्छ, तिमी पनि अल्लाहको मार्गमा ऊसँग युद्ध गर। तर अत्याचार नगर। निस्सन्देह अल्लाह अत्याचारीहरूसँग प्रसन्न रहँदैनन्। – सूरये बकर १।२।२४

जीर्ण–शीर्ण मान्यतामा परिवर्तन र नयाँ आदर्श स्थापनाका लागि जसमा साहस छैन, त्यो जाति कहिल्यै समर्थ बन्न सक्दैन। प्रगतिका लागि परम्परा होइन परिवर्तन गर्ने जीवन्तता चाहिन्छ । –स्वामी विवेकानन्द

दुष्टताले आफ्नो पकड कब शिथिल पार्नेछ यसको प्रतीक्षा नगरेर दुर्बलताको प्रायश्चित्त गर्ने साहस गर्नुपर्छ । –विचारसार एवं सूक्तिहरू

तृष्णाको कतै छेउटुप्पो छैन, त्यसको पेट भर्नु कठिन छ, उसले सयौं दोष बोकेर हिंड्छ, उसद्वारा सयौं अधर्म हुन्छ । अत: तृष्णाको परित्याग गर । – विचारसार र सूक्तिहरु